A reflexion Irlandesa...

OUUUUuuuu

No suplemento dominical do diario "El pais" día 21 viña un interesante artigo asinado por Lourdes Gomez e titulado "Los presos y el precio de la paz." No que se fai unha retrospectiva ó acontecido dende os acordos de venres santo en concreto no seu punto 10.

Nas declaracions que se citan no artigo hai enunciados verdadeiramente interesantes que veñen na liña do xa falado sobor dos "principios de Mandela".Como a afirmación de que "a violencia crea victimas e tamén dana a quen a perpetra, Sería un erro crear una xerarquía de victimas. ¿non son victimas tamén os fillos e nais dos terroristas?". O tema dos presos é importánte; pero, como o das victimas, no pode se-lo centro do proceso; pois non existe unha xerarquía da dor.

E digo eu... ¿porqué 'Ansar' non toumou en conta a actitude do seu "amigo" Tony Blair neste tema?; Con artigos coma este e 'movidas' coma a das manifestacions abertzales deste veran ¿non se está a "preparar o terreo" para un proceso negociador sobor do conflicto vasco?.

É hora de aceptar por parte das victimas que é preciso un proceso negociador no que entre o tema dos presos si se queren evitar novas victimas no futuro.

Non vexo con bós ollos que os presos non deberan renunciar persoalmente á violencia nen emitir un comunicado de desculpas; ainda que os feitos (co tempo) fixeron patente estas afirmacions, pois o IRA ten renunciado ás armas e emitiu xa hai tempo un comunicado disculpandose (parcialmente) polo dano causado.

A guerra para evita-la guerra

Durante o cruento mes de Xullo en Londres voltei a afirmar que non se debía permitir que o medo ou o odio rexiran as nosas vidas... Non sabía eu que estaba na liña do afirmado por Timothy Garton Ash nun artigo escrito co galo do cabo de ano dos atentados de Madrid. Nel vense a enuncíar que o meirande combate contra o terrorismo non se libra (como xa sabiamos) no Iraque ou en Afganistan senon nas rúas de occidente; sobor de todo nas dos barrios con forte implantación de inmigrantes. Trátase dunha guerra cotian para "impedir que esas personas quieran ser terroristas". Quen lle ia dicir a este home que no seu pais esa guerra cotian ia sufrir unha derrota tan cruenta o día de San Fermín e que alguns dos seus compatriotas se ian a empecinar en inmolarse pola via da intolerancia.


Neste contexto podo sintetizar as frontes deste combate para evita-la guerra en:

Non vivir con medo; se o medo paraliza á nosa sociedade seremos débiles psicolóxica i económicamente.

Non vivir con odio. Se os extremistas que queren propagar mensaxes radicais atopan persecucions e xenofobia que os xustifique terán a metade do camiño feito. Non se deben permiti-los guetos, debese fomenta-la integración.

Non permitir a restricción das liberdades cidadans (de todos) nen a merma (todo o contrario) desta 'proto-democracia' na que vivimos.

Lumes II

OUUUUuuuu

Cando escribin a miña opinión sobor dos aspectos da política forestal do pacto de gobernabilidade; xa sinalei que vexo (ignorante de min) moi mal casamento entre os intereses das industrias (papeleiras, serradoiros, eólicos etc.) e a explotación da nosa riqueza forestal sobor de todo os montes de man comun. O conselleiro de medio rural disque deixou quedar ós cadros nomeados polo PP para que estes permaneceran 'calados' nesta situación e por non descabeza-los dispositivos de extinción que, para ben ou para mal, é o que agora temos que empregar.

Mais a magnitude do que está a acontecer é tal que semella que se está aplicar a coñecida táctica da "Terra Queimada". Con este panorama a presión dos medios sobor dos políticos provoca deslides psicoloxicos (que se cadra non o son tanto) e análises de todo tipo... Un bó compendio deles estan no Scanner de Vieiros. No que semella que estamos caseque todos de acordo é en que esta vaga de lumes ten as súas raices no feito nos derradeiros tempos cos cartos públicos á hora de xestionar a prevención dos lumes, a súa extinción (auténtica 'industria') e os usos dos materiais e terreos afectados; hai que engadir, como sinala este informe do sistema europeo de información sobre lumes forestais (EFFIS)que este ano o risco de lumes ven incrementado pola brutal seca e pola cantidade de material acumulado; agora, temos que engadir os devastadores efectos que terán (cando cheguen) as choivas e o arrastre de todo o material solto ós cauces dos rios e ás rias.

A Hidra de mil cabezas segue a bramar, apenas podemos ollala sen nos petrificar mais temos que cavilar nelo; é prioritario desenmascarar as causas principais e irlles pondo freo, é prioritario evita-los efectos a longo prazo desta devastación, é necesário reorganiza-la lexislación para que o sector forestal en Galiza adquira a fortaleza que ten en outras zonas non só do estado senon tamén en europa (Suecia, Finlandia...) sen aboli-la diversidade forestal do pais e os usos alternativos e de lecer.

Peto no valeiro da túa cuncha
mentres...
escoita o brilo nacarado do teu sorriso.

Só vexo a boca negra do puzo
mentres...
se ilumina no lume da túa voz.

¡Quen puidera sentir o que eu
cando o intre do silencio chega!.

Lumes e acordo III

OUUUUuuuu

Onte tivemos que pasar por terras de Monterrei camiño de Allariz e contenplamos espantados como os lumes da semana anterior foran pouca cousa comparado co que estaba a pasar; escoitei nas novas que estaban cortadas duas estradas principais e que nese día ian 5000 Ha. queimadas, Será por isto Ourense a "terra da chispa".

O conselleiro de Medio rural fai declaracions atemperadas sobor de 'pirómanos criminais' mais; eu proclamo que 60 focos de lume diarios durante 4 días non poden recibir outra denominación que ESTRATEXIA (a famosa estretexia rusa da "Terra Queimada?" xuntado esto coa detención de varios pirómanos, entre eles un capataz de cuadrilla contra incendios, a algun sitio nos deberan levar. Namentres coido que a miña compañeira ten razón cando dí que a extensión do próximo incéndio será o que hoxe quede sin queimar...

O Acordo do 23/7 III

O tema mais peliagudo ó que se vai enfrontar o goberno bipartito é o do financiamento pois sen cartos para investir (e non me refiro só a obras de infraestructura) non hai estratexias que se podan levar a feitos.

Pois Pouco espazo se lle adica a este capítulo no acordo mais si que pon en claro os condicionantes (reducción de fondos europeos, kioto, supertaxa) e os criterios (suficiencia, equidade e solidaridade) que van estar presentes nas mesas de negociación. Mais eu coido que hai unha fronte que non se toca i é a do Fraude de feito que cometen moitas empresas galegas ou con actividade principal no país e que pagan os seus tributos fora. Pode que a creación do "consorcio tributario galego" teñá a posibilidade de resolver isto sen deixar de lado a necesidade de loitar contra o fraude que tamén significan as subvencions concedidas a persoas i entidades que non cumplen os fins e condicions para as que reciben eses cartos... deberíamos por en marcha un sistema de denúncia anónima cidadan sobre (por exemplo) as reformas de casas que se fan con fondos públicos que esixen certas condicions e que logo non se cumplen.

ESTRATEXIA

Semella que o "sentidiño" ven reflexado no programa en forma dunha estratexia encaminada a formar mellor ó capital humano do pais, darlle a oportunidade de quedar en Galiza exercendo os seus coñecimentos e dar pulo ás iniciativas que engadan vantaxe e valor (I+D+i) industrial, audiovisual, turístico e acuicola-agroalimentario; todo elo dentro dos eixos transversais xa indicados.

E isto é o que se chama un proxecto de país que me dá ilusión e me fai sentir incrédulidade pola falla de entusiasmo (tal e como publica suso de toro) que se ve na xente; custa facer ver que este troco é un motivo para a ledicia, custa arrincar un brindis pola esperanza; se cadra é como dí a miña compañeira que "estamos esperando que nos defrauden...".
Dende logo serán as accions do goberno as que nos poñan a andar ós demais ós seus membros corresponde dar exemplo, ter iniciativa e aglutinar vontades ó redor desta estratexia. Ós críticos só lles digo que non son os nomes (por pouco que alguns nos gusten) o que hai que criticar senon os feitos.

Dos temas específicos de sanidade e deportes falarei nos correspondentes blogs.

Os acordos II

OUUUUuuuu

Onte, quedei sen tempo para todo; antes de seguir quero deixar claro que recoñezo que un acordo coma este feito público non é mais ca unha declaración de itencions e de lealdades mutuas. É de supoñer que hai cousas acordadas e non reflexadas no texto... o que me sorprende son alguns detalles levados a unha grande concreción (como o de Radio4 en galego ou a saida de Ence da ría de Pontevedra) dentro dun texto de trazos macropolíticos.

Neste aspecto da falla de concreción quero destacar como todo o cacareo respecto do CERA quedou en...

"Reforma da lei electoral que(...)asi como as garantías de emisión do voto polos electores emigrantes"

Eu coido que o que os cidadans queremos que nos expliquen é:

Que ten que ver o dereito ó voto coa protección consular, sociosanitaria, de vencellamento cultural etc.. dos emigrantes (sobor de todo cos de 3ª xeración).

Porqué a estas persoas se lles esixen menos garantias á hora de emiti-lo voto que as persoas que votamos aqui de xeito presencial ou por correo.

No canto dos medios de comunicación... Vai tardar segundos en convertirse a CRTVG nun instrumento en mans do novo goberno; asi foi sempre e non vexo eu medidas concretas que o remedien.
O xa comentado con respecto á paridade de xénero se pode comentar respecto á presenza da lingua nos medios(as cuotas obrigatorias son aceptación de inferioridade); outra cousa é que o goberno e os seus organismos dependentes orienten a súa politica de investimentos cara a producción exclusiva de contidos culturais en galego, pois coido que para as produccions en castelan e outras linguas da UE existen fontes de financiamento (público e privado) mais ca dabondo: Nin un céntimo para medios e produccions que non sexan en galego.

Voltase á idea do 'pacto local' que mais ca pacto debe ser "culebrón" i eu me pregunto: Si cun goberno, unhas diputacions e a gran maioría dos concellos en mans do mesmo partido non se fixo, ¿qué posibilidades hai de conquerilo agora?; non esquezamos que o presidente da FGMP é un dos principais 'damnificados' da derrota do 19 de Xuño. Outra cousa; ¿Porqué non unha nova organización POLITICA do territorio galego?. ¿Onde quedaría a vella reivindicación da desaparición das deputacions provinciais?.
A elaboración dun Plan Único de Obras e Servizos (anual e/ou plurianual) pode constituir un serio golpe ó poder caciquil das deputacions.

Dentro do que se veñen a chamar "eixos transversais" nun programa político eu quero destacar 3:

A constante referencia ás tecnoloxias da información como medio acceso e interaccion da cidadanía co goberno e as súas accions.

A sustentabilidade como factor a ter en conta nas políticas, investimentos e contratacions da administracion autonomica.

A coherente intención de 'aplicarse o conto' do reequilibrio territorial dentro da Galiza tal e como se pide con respecto á UE ou ó estado Español.

Xa me gustará ver a Suarez Canal (pobre, escomenzan a lle chamar "o quemao") conxugando as Leis de Montes e Montes veciñais de man comun cos intereses das industrias eolicas, a industria da serreria de madeira e a industria do moble e; ó mesmo tempo (ainda mais difícil) constituindo un Banco Forestal... Moita madeira que cortar.

No eido educativo: Non quedou mais remedio que continuar co proxecto de gratiuidade dos libros de texto. Eu coido que eses cartos fan falla coma investimento no sistema público para facer unha oferta complementária de calidade que poña de novo en valor ó ensino público e permita rematar coa vergoña dos centros subvencionados. Por certo, vai ser divertido ver como tentan 'obrigar' a certos "colegios bien" de A Coruña (por exemplo) a aceptar a nenos con necesidades educativas especiais, Caló ou Ecuatorianos...

Por hoxe vale, só un apuntamento de política xeral: Durante as Nejosiacions secretas lin un artigo do diario 'el pais' que falaba da xenerosidade do PSdG e da habilidade do BNG.. Eu coido que é ó revés: O BNG foi xeneroso (se cadra de mais) ó deixar que os debates do NOVO ESTATUTO quedasen para unha comisión parlamentar co único recoñecimento do "caracter nacional" de Galiza nun marco plurinacional, pluricultural e plurilingüe.

Os Acordos do 23 de Xullo

OUUUUuuuu

Vou moi xusto de tempo; mais quero deixar esto escrito antes de que os feitos políticos fagan dese acordo 'papel mollado'.

Xa destaquei como positiva a publicidade do texto e a posta a disposición nas canles actuais de difusión; agora vou desgranalo un pouco dende o meu punto de vista.

Arrinca o pacto trazando un lazo directo co xérmolo de autonomía truncado polo golpe de estado de 1936, moi na liña do PSdG que manten anualmente a celebración do estatuto republican ainda que logo se declare "constitucionalista e, polo tanto, monarquico". Discrepo no que dí respecto a que o caracter nacional de Galiza fora asumido "sen problemas" dentro e fora do pais... Que llo pregunten a Ibarra e ó seu 'café para todos'. Tamén discrepo no canto de que a revisión do estatuto se faga só coa participación das forzas politicas con representación parlamentária; coido que nesa reforma debe contarse coa cidadanía dende o nivel institucional tal e como o própio acordo dá a entender no apartado 3 que, por certo, dí que o parlamento debe ser mais próximo á cidadanía pero logo non detalla ren sobor de dereitos de información e acceso dos cidadans ó parlamento nen sobror das iniciativas lexislativas populares ou o dereito a convocar referendums vinculantes...

Sobor das liñas estratéxicas de goberno so comentar como signo que se considere estratéxico o "avance na normalización da nosa lingua" e que o señor Mendez Romeu na sua primeira aparición en público se saltase este punto. I é destacable porque este home formaba parte da comisión que negociou o acordo e coñece a importáncia que esto ten para o seus socios de goberno... se cadra ten realizado algun cálculo sobre a resistencia de Fraga e o PPdG na oposición e quere manter "tensa" a corda co BNG para poder rachar cando atopen apoios dabondo...

Antes de rematar esta primeira andanada arremeter contra o punto que anuncia a reforma da lei electoral para garantir a paridade de xénero... Aceptar que estas reformas son necesárias é aceptar que existe unha inferioridade; é como se a min me desen unha muleta, eu estaria aceptando certa coxeira, ¿non?. Logo está o tema dos nomeamentos dos escalafons na administración autonómica nos que este 'principio' non e cumple, así as cousas coido que serán os própios pulos e méritos os que nos levarán a igualdade de xénero.

Signos que non sintomas.

OUUUUuuuu

Non me gustaría convertirme nun defensor do goberno da Xunta nin do BNG nin de Anxo Quintana... mais; coido que o feito até o de agora e o dito tanto no seu diario como na executiva nacional deixan ver a firmeza do compromiso e a enorme carga que a responsabilidade asumida significa para este Señor.

Que o acordo de goberno estivese 'colgado' na web dende o día seguinte ten o dobre significado de lle dar o carácter de contrato público e de trasladarmos á cidadanía (o pobo soberano segundo o ordenamento xurídico) a responsabilidade de controlar ó goberno en base ó seu programa político. Xa non vale a actitude infantil i egoista de "eu voto, que gobernen os políticos" agora, si se artellan os mecanismos axeitados, os cidadans podemos (e debemos) controlar ó goberno nas súas accions.

Un signo claro da asunción de responsabilidade será (si se produce) o abandono dos escanos autonómicos das persoas nomeadas para as consellerías e incluso as direccions xerais; tamén será un signo de responsabilidade a renuncia a eses postos das persoas que van a encabeza-las candidaturas nas municipais do 2007 pois indicaría a claridade do compromiso co seu concello dos implicados (non coma outros señores deputados en Madrid que non arriscan nada.

E, ainda que semelle raro; tamén vexo como positivo o mantemento ou "fichaxe" de altos cargos do anterior goberno... si, o que debe primar é a profesionalidade e a capacidade. Está claro que si unha persoa opta a un posto de responsabilidade cunha equipa de goberno pon os seus coñecimentos e a súa vontade a traballar dentro do marco xeral da liña política desa equipa. Queda por ver a lealdade dos implicados ós novos obxectivos e xeitos de facer.

A VERBA MALDITA.

OUUUUuuuu

Non, ainda non estou en disposición de valora-lo acordo do 23 de Xullo; deixareirno para outro 'post'. A miña prioridade diríxese a outro acontecemento de grande calado que se viña albiscando dende hai algún tempo, unha vez que a 'pelota' dos xestos estaba no tellado do Seinn Fein.

O IRA ordeou a tódolos seus militentes que cesen as accions armadas. Insta ós seus membros a acada-los seus obxectivos por medios exclusivamente democráticos, políticos e pacíficos. Como ben se pode NON LEER non se emprega a verba rendición nen nos seus comunicados nen nos coumunicados dos gobernos Británico e Irlandés. É mais, o goberno británico deu unha resposta sensata (¿pactada?) pechando postos militares no Ulster e anunciando unha desmilitarización en dous anos.

Outra volta o camiño da PAZ é o do diálogo e a negocición sen armas e sen condicions que desarmen, claro que non vai ser un camiño de rosas mais coido que é o único que leva a esencia da esperanza.

¿Cando se dará un anúncio tal por parte de ETA?, ¿Cando se darán as condicions para unha negociación de paz?... Pode que os ventos políticos do estado volten a alimentar este lume; así mo fai ver a insisténcia do PSE-PSOE en arrincar ó PNV das 'garras' do PCTV e o medo que ten o PP de que esto aconteza. Mais ó mesmo tempo as mentes mais federalistas dentro do PSOE teñen a traba dunha ERC moito mais dura do que pensaron e dunha auténtica revolta por parte dos 'barones' mais centralistas (Ibarra, Chaves e Bono ). Neste xogo poden entrar O BNG e Coalición Canaria; mais tamén nos poderíamos ver sorpendidos (como sosteño hai tempo) por unha convocatoria electoral anticipada que afianzase a maioría parlamentar.

E cando voltei

e cando voltei das vacacions o fragasaurio non estaba ali...

Pobre de min...

OUUUUuuuu

Prégovos fagades conta de que hoxe é San Fermín.

Non, non estou de festa. Non, non lle vexo mais "lóxica" que ó acontecido en Madrid. Non, non teño mudado de opinión: Non debemos permitir que o medo ou o odio rexan as nosas vidas, e sego a pensar que unha vez aberta esta 'caixa de Pandora' vai ser dificil pechala pois tamén os nosos gobernantes queren que vivamos con medo.

Moi interesantes os artigos de Timothy Garton Ash en "el pais" os días 3 e 10 de Xullo.

Unha pregunta: ¿en que condicions negocia unha organización que 'se rinde'?. Outra ¿En que condicions negocia unha organización ameazada pola violencia?.

Sen armas e sen renuncias son as negociacions.

e alá imos...

OUUUUuuuu

Hoxe é un día simbólico de verdade; iniciase algo novo que levamos agardando moito e no que temos depositadas demasiadas esperanzas. Hoxe escomenza o tempo das decepcions, do enfrontamento, das tensións. Hoxe hai que respostar a:¿Queremos?, ¿Sabemos?, ¿Podemos?. Hoxe hai que falarlle ó mañan.

Marcho coa esperanza de atopar un goberno novo cando volte.

Censo Electoral de Residentes Ausentes (¿ou mortos?)

OUUUUuuuu

Dende o 11 de Maio levo xa 5 post sobor do tema CERA:

No primeiro repasei os datos tomados dun artigo de 'El Pais', e fixen algunhas reflexions sobor do tema e do doado que era falsificar o voto de varias persoas. En concreto aludín á presteza do SOE para 'porse a traballar' neste campo.

Logo saiu un artigo de Manuel Cortizo en Xornal.com no que reclamaba drásticamente a reforma non só do xeito de sufraxio do CERA senon a existencia dos tales dereitos politicos.

Pouco antes de escomenza-la campaña xa se via o que nos viña enriba. Os partidos pedían interventores nos aeroportos para contro-la las sacas.

Xa feitas as votacions e o escurtinio voltei sobor do tema coa miña especial predicción e con adverténcias sobor do que pasará se o PPdG non gaña nesta particular 'revalida' do voto enCERAdo.

Agora debo voltar sobor do tema do post do 8 de San Xoan. Daquela 'La Voz' publicara uns artigos de "investigación" sobor de como era de doado votar por un morto en Uruguay. Ben; este sexto post sobor do tema ten o mesmo sino. I é que, como ben indican en Arredemo.info, é moi doado votar POR VARIOS MORTOS en Arxentina. Para probalo nada mellor que o video do Quilombo eleitoral.

Huy, Huy, Huy...

OUUUUuuuu

Por si as miñas paranoias non me bastasen (e non son o único); ven Rivas Fontan (si, xa sei que no PPdG din que ten unha enfermidade mental) a dar na clave do tema. O que dí este home cadra perfectamente co xa dito por 'SIR' Paco e ainda mais; pon unha cifra de diputados para ese hipotético grupo mixto "virtual" anti-nacionalista: 13.

Mentres, o desprestigeado Lopéz Veiga quérese manter de actualidade con declaracions e análises que só veñen a demostrar o medo que ten a que algúen revise as súas 'desfeitas'.

Continúan os cruces de acusacions sobor das "sacas de Venezuela" sen que ninguén ameace con levar ós tribunais a quen difama; si fósen outros os que fan esas declaracions xa teríamos á fiscalía actuando de oficio por "inxurias ó sistema" ou calquer coña desas.

Precioso espectáculo se prepara. Mais;¿que vos apostades a que non reforman o sistema de voto CERA ?(por non falar xa da existencia dese dereito politico para quenes non habitan no pais).

---

Sobor do papel do galegismo

É verdade, non o nego; que eu tamén desexo que o BNG entre no goberno...

Xa deixei reflexado nangun comentário que coido que o resultado de Quin (si, de Quin e as súas candidaturas pois o 'sanedrin' deixouno só) foi bó. A campaña reflexou o 'sentidiño' que el manifestaba e centrouse nas preocupacions da xente e nos temas que de verdade nos afectan a todos; non eludiu o debate mais para levalo sempre ó terreo dos feitos reais e non para elucubracions sobor de coalicions, documentos ou simbolismos vanos.

Agora semella que pode chegar á hora da negociación e, como xa inquei o outro día, haberá que sopesar qué se entende por un pacto completo; non seña que se vexan sentados na mesa dun consello da xunta que aprobe un NOVO ESTATUTO que só apoien PPdG e PSdG. Non se poden deixar de lado as "zancadillas" de Vigo, Ferrol, etc. son leccions das que aprender. Insisto; non son tan importántes as áreas de goberno como o 'programa de intencions' completo. Se cadrar podería ser convinte deixalos que se poñan en evidencia aceptando o apoio do PPdG (ou os do PSdG;mesmo se cadra dos seus 'rebeldes') antes de aceptar un goberno que non cumpla cos mínimos mercados.

enCERAndo

OUUUUuuuu

Como xa indiquei; estamos a asistir ó bochornoso espectáculo dos nervios de quen sabe o que se está a xogar... Eu sego mantendo a miña opinión: con mais de 30000 votos no CERA de Pontevedra e, manténdose a proporción dos derradeiros anos o PPdG obtería o escano de marras. As acusacions veladas a que o goberno de Venezuela (¿porqué este é chamado réxime si obtivo o 60% dos votos?; o PPdG só ten o 46%) está a argallar algo son refutadas polos feitos; todo indica que haberá emoción até o martes 28.

Que o PSdG manifeste públicamente non só a súa confianza en mante-lo escano de Pontevedra senon en obter un en Ourense sí que resulta sospeitoso ainda mais cando o único argumento que se emprega é o de que 'xa nas primeiras eleccions autonómicas...'.

Outros que semellan algo desorientados son os persoaxes do BNG que andan a facer "contas da leiteira" con consellerias e postiños e non con programas de goberno e mínimos irrenunciabeis no NOVO ESTATUTO; porque ahí é donde debe de radicar o forte da negociación xa de entrada. Así ningúen se leva a enganos; si o estatuto o van pacto-descafeinar co PPdG como xa fixeron en Valencia pois que goberner eles sós e xa veremos en qué iniciativas lles apoia o BNG i en qué iniciativas terán que apoiar eles ó BNG.

Ma+s do mesmo...

OUUUUuuuu

Si, sei que semella que non conqueriu a absoluta, polo de agora... Pero, de manterse a proporción do voto CERA dos derradeiros cómicos voltaremos a ver como 'baila' un escano cara ó PPdG. Logo ainda quedaría o tema das Mazás podres pois xa 'Sir Paco' dixera que NON habería pacto co 'nacionalismo excluyente'; se cadra confiando nunha escición dentro do PPdG si o resultado era peor ou sabendo que a "xogada" de Madrid non foi algo tan extraordinario.

Só 41000 votos de merma electoral para 16 anos de goberno non é prezo político. A única diferéncia estivo en que caseque todo o aumento na participación (12000) e as 'perdas' de PPdG e BNG (34500 de 'efecto Beiras') foron para o PSdG Cuio único mérito foi; ó meu entender, acertar en que provincia se xogaba o Cocido e por elo puxeron alí a Touriño de cabeza de lista e fixeron alí as mensaxes maís audaces (o traslado de Pesca a Vigo p. ex.). I é que en Pontevedra é onde hai a menor distáncia para a asignación do seguinte escano; ainda que na Web de información electoral lle asignen esta posibilidade ó BNG o certo e que o escano 22 de Pontevedra será para o PPdG. En Ourense temén hai diferencias escasas mais, como o derradeiro escano foi para o PPdG o único que pasará será que incremente a súa vantaxe.

Vese agora porqué era necesário incidir no debate sobor do voto CERA i é que non atopo eu clara relación entre dereitos de protección os nosos emigrantes fora de Spain con dereitos políticos.

Obvio falar hoxe da "carretaxe" de votos nas residencias xeriátricas ou nos concellos do rural e da escasa repercusión electoral das consecuencias da desfeita do Prestige.

TEMOS O QUE MERECEMOS

O campionato

OUUUUuuuu

Onte en Lalin celebrouse un campionato... mais non só de natación. O PPdG celebrou o seu 'mitin central' en Lalin coa intención de demostrar que a unidade dentro do partido non está ameazada por nenguha escisión; mais polo que comentarn 'el pais' e xornal.com semella que foi o lugar onde, coas brasas das enquisas, rexurdiu a figura de "Pepe das Fontes".

Do que non semella que se falase no mitin é de porque as mozas que antes traballaban con soldo e seguridade social nas fábricas do puxante sector textil do Deza agora teñen que montar cooperativas (no mellor dos casos) e talleres clandestinos sen coberturas sociais para seguir traballando mais por menos. Porqué se vende o leite no Eroski a 0'39€ (superoferta) e ós labregos se lles paga a 0'19€ (ou asi ou con él quedas). Porque segue habendo baixas de tensión e cortes de luz á hora de muxir (tras 15 anos e 2 plans MEGA) mentras zumban os aeroxeradores do Carrio e do Faro. Porque ten Fraga que voltar a prometer acabar cos lumes forestais tras 4 lexislaturas prometendo o mesmo. Porqué un pais ten que depender de si Europa ou o Estado asigna fondos para tal ou cal obra tras 15 anos de asignacions de fondos 'estructurais' que se xestionaron por un partido que non foi quen de sacarnos dos derradeiros postos de europa. Porqué os mozos mellor preparados da historia de Galiza teñen que emigrar para poder traballar no seu...

Disque Xosé Crespo anda de 'capa caida' polo conto das enquisas; eu coido que xa se lle pasaria pois algo conseguiu para seguir na alcaldía.

Pola dúbidas

OUUUUuuuu

Europapress ten organizado un foro de debate co galo das eleccions autoanémicas 2005. Neste foro os cidadans (identificados recurrentemente co DNI) podemos formular cuestions sobor dos programas electorais e os temas da campaña ós candidatos das principais forzas concurrentes (do resto de forzas preséntase un acceso á web e unha copia .pdf do programa electoral).

Pois neste foro un internauta preguntoulle a Fraga si era certo que galicia perde CADA DIA 50 NOVOS e o prócer respostou:

No es cierto que cada día más jóvenes gallegos abandonen nuestra Comunidad en busca de trabajo, sino todo lo contrario. Los datos del Instituto de Estadística son la prueba de que actualmente Galicia registra un saldo migratorio positivo; son más las personas que buscan trabajo entre nosotros, que los gallegos que buscan trabajo fuera.

En los próximos años, seguiremos trabajando y mejorando nuestras políticas de empleo, con acciones específicas para fomentar el empleo juvenil estable. Prestaremos, además, especial atención en las zonas con menores oportunidades de empleo. Además apoyaremos los contratos en prácticas con una duración mínima de un año. Ampliaremos, también, los programas especÍficos para universitarios, vinculando el Plan Labora a la empresa y creando un programa específico para que los universitarios gallegos puedan trabajar antes de acabar la carrera.

Mais; como demostra este artigo de Xornal.com os dados do INE non din o mesmo...

Estes SI son os argumentos da campaña electoral:

Tras 15 anos de Fraguismo seguimos sendo rexión obxectivo 1 de europa. Un país subvencionado e dependente, sen iniciativa: Cos brazos baixados.

Os dados estadísticos demostran un claro retraso comparativo co noso entorno inmediato; é dicir progresamos menos do que correspondería.

Os casos de Nepotismo, Discrecionalidade, Enchufismo, Acoso sexual, Acoso Moral, Malversación, Prevadicación... etc. na administración pública son de sobra coñecidos i estan sentenciados polos tribunais.

As taxas de desemprego seguen sendo das mais altas do estado, especialmente entre os novos

Os gastos en propaganda e autobombo superan ós investimentos estratéxicos en investigación, desenrolo e innovación.

Nas zonas afectadas polo verquido do 'Prestige' reducironse as capturas con respecto a 2002.

Estes NON:
* Desmembramento de España.
* Terrorismo.
* Os investimentos do goberno central e de europa.

Se cadra é que coma durante a transición (!!!hai 30 anos xa machiños, que NADA é eterno¡¡¡) unha minoria maioritária conqueriu impor un pacto (nuhas circustáncias moi concretas) coidan que agora pode ocorrer ó contrario e non queren nen escoitar falar delo... Non saben a diferéncia entre dialogo e imposición.

E non canso de dar CERA

OUUUUuuuu

Por si alguén me ven coa leria de que o que veño dicindo da mais que probabel estafa co voto CERA (non esquenzamos: 12% do total, 19% en Ourense) xa non pode pasar. Hai tendes esta nova de A Voz na que se volta a votar por un falecido.

I é que o PP quere eso para o seu candidato: Que gañe as eleccions dempois de morto por iso presentan ó candidato 'in pectore' ós debates (¿debate; ah, pero houbo un debate?) e por iso este candidato reivindica os mensaxes nacionalistas ( "somos unha nación histórica" e "queremos un pais novo" ). Do monicreque que manodou o Soe só dicir que escomenzou o debate !!!Laiandose da ausencia de Fraga¡¡¡ (¿logo que facias tí ali meu?).

Segundo o PP son o mesmo 20000 galegos novos con estudios que EMIGRAN: porque se marchas do país (que é nacionalidade historica) pois EMIGRAS. Digo, son o mesmo que 35000 Inmigrantes de ondequeira que haxa malas condicions de vida e se veña a traballar en precario.

I é que até nos mitines tentan manipula-la súa imaxe: Esta es la verdad y así se la hemos contado (que diría Buroaga).

Diferencias...

OUUUUuuuu

Hai quen se empeña en que a situación do actual goberno con respecto á manifestación da AVT é similar á que tiña o goberno de Ansar con respecto ás manifestacions de "NO A LA GUERRA" mais...

¿Calificaban os NO-DO de Urdaci como 'masivas' aquelas manifestacions (que tiveron mais xente en conxunto que esta)?; non, os telexornais da Moncloa ignoraron ós millons de manifestantes e fixeronse eco só das declaracions dos membros do goberno sobre que eles non creian que a rúa fose lugar de reivindicar ren (curioso; agora estaban todos na rúa reivindicando...).

¿Recibiu Ansar a alguén apos aquelas manifestacions?; non, Ansar acudiu a Açores coa gomina na testa dicindo que 'os que se manifestan non son ninguén'. Agora ZP recibe os primeiros ós membros da AVT cando está mais que claro (e así o califican os medios de in-comunicación mundiais) que é un títere do PP.

Insisto, ás victimas débeselles recoñecemento e respecto; indemnizacions e vantaxes sociais mais... non son mártires políticos de nengunha causa e non poden condicionar o devir político do estado senon: ¿faranse eles responsabeis das futuras victimas que unha negociación poda evitar?.

E mais CERA...

OUUUUuuuu

Ó parecer non ia tan desencamiñado eu na miña opinión de que ó xogo de manipula-lo voto (tanto localmente coma o emigrante) poden e queren xogar TODOS.

Agora que sinten o frio da derrota no cú e que saben (¿porqué os coñecen? ¿se cadrar por empregalos eles?) en que puntos se pode manipula-lo voto CERA o PP pide interventores en Barajas e vixiancia contínua para as sacas cos votos.

Debémonos preparar para o bochornoso espectáculo dun partido facendo recursos perante a JEC nos mesmos termos que noutras eleccions os desbotara porque o resultado lle fora favorabel. Non queren democracia, queren control.