¿Quen baixou "O comendador"?

Nestes días un aspecto diferente da loita entre os estafadores legais e os declarados 'delincuentes' por prestar ós amigos algo que legalmente adquirimos.

Lembro...A estafa dos grupos de deseño que por non facer nin cantaban as súas cancions; Milli Vanilli por exemplo e outros exemplos mais sofisticados e clamorosos como Gorilaz que apuntaban na intención dos editores de ter 'autores fantasma' que figuraran por dereitos pero que non dan a faciana na única fronte que non pode ser adulterada: O directo.

Queren eles un mercado no que cada emprego que se lle poda dar á obra do artista signifique un novo pago por parte do consumidor. Un pago por un CD/DVD, un pago por un arquivo para o PC, un pago por un arquivo para o mobil...Eu sempre me sentín estafado polos CD's; non entendía que me puideran cobra-lo mesmo por aquelas caixas de plástico pequenas e con apenas unha relación das cancions e a duración das mesmas. Ahh, agora xa teñen que baixarlle o prezo ou engadirlle contido... é cousa do mercado non si?.

Agora os estafadores entre os estafadores queren executar a reviravolta máxima e cobrarlle ó fundamento da obra, ó cerne da mesma, á súa fonte primixenia un 'diezmo' ó mais puro estilo medieval... mais desta volta, tiveron que recuar. A vergoña sinalounos nos seus despachos e as súas teimosías quedaron no maletín dos picapreitos que viven por e para chupar sen facer NADA PRODUCTIVO, cobrar polo feito de cobrar a que só se adica a facer o papel de si mesmo nunha obra universal que, ó mesmo tempo, os representa como exemplo de colectividade unida contra un despota.

¿quen baixou "O comendador"?

FUENTEOVEJUNA. O fixo.