Apresando liberdade e liberando piratas

OUUUUuuuu...bueno, alá vou. A opinión dun desinformado.

Temos unha chea de barcos que arrastran en augas internacionais non reguladas (que si fosen Groelandeses atacando barcos na NAFO aínda...), tripuladas por unha chea de persoas de diversas nacionalidades baixo pavillón··· descoñecido (alguns din que das Seychelles, outros que a ikurriña; que tanto ten?) nunha zona catalogada 'de risco' dende vai 2 anos. Si todo vai ben, as toneladas de peixe son desembarcadas en illas paradisíacas e pobres e envíadas a occidente por riba de países aínda mais pobres e moito menos paradisíacos.

Capturan con libertade, sen control practicando a mesma política que se criticou dos "superarrastreiros" holandeses no banco canario-sahariano; a mesma que se fai na plataforma Arxentina con empresas 'mixtas'...a que terá as mesmas consecuencias.

Logo ven o evidente; hai unha "acción armada" dun "pobo oprimido" que pide "contribución á súa loita"...¿sóavos? e lle chaman secuestro. Pero, a diferencia dos outros secuestros neste SI se fala de negociar, de causas, de pagar...

En fin, que eu teñovos moitas brumas ó redor desto; sobor de todo agora que hai que lles financia-la seguranza a centros de traballo que non 'cotizan' solidariamente... son empresas que se expoñen a risco coñecido; asumido. Pero hai que conserva-la cota de mercado; no canto de denuncia-la sobrexplotación desas augas polas outras potencias europeas...

Bueno, desta 'fago amigos' seguro.
Publicar un comentario