Os disfraces

OUUUUuuuu...debera, pero non vou a escribir do entroido nen sequera das imaxes mais chamativas observadas na baixada da Morena de Laza.

Porque desta os disfraces estan por todas partes e aínda nos van perseguir unha boa tempada. O desgoberno disfrazouse en Verín de algo dificilmente cualificable, O iceberg da economía grega colleu prestado o disfraz que o lobo de wall stret lle prestou só para poder aventalo cando lle quedase pequeno, a reforma liberal froito de todo elo disfrazouse de "Kolectiva" (negociación) na que quen queda en sen bragas é a protección social, O presidente de turno da UE disfrazouse de actor (mágoa de lúa chea) para seguir co conto de carrapuchiña e o lobo das barbas, a propia crise disfrazouse de recuperación; iso sí, só para uns poucos afortunados.

O paradoxo do rescate financieiro que afundirá ó sistema financieiro estase a cociñar lentamente; os bancos están avisados: Olliño co que poñen no activo nos balazos...hai demasiadas cousas que non valen nin o papel que pon o seu valor. Pero quen pagará todo iso? a xente que non ten xa traballo porque quedará sen outras cousas e coa perspectiva de traballar mais por menos como única saida; unha inmigración ilegal interior e restrinxida.

O noso xeito de entende-lo servizo público está no punto de mira dos circulos financieiros; mágoa que non nos vai valer de nada ter un 50% da poboación con estudios medios cursados... están adormilados diante da "caixa porca" (parva era antes que había só 1) a vaca non ten que comer porque llo sisan e xa non chega con muxirlle os tetos, estamoslle valeirando o sangue.

Non sei como será o vindeiro entroido, pero o de dentro de 20 anos terá moitas semellanzas cos de hai 50.

ou si.

E que quitamos primeiro?

OUUUUuuuu... O silencio social semella a rendición ó engano:[Retranca On] A crise foi culpa dos altos salarios e os disparatados gastos sociais e pronto virá un goberno que poña as cousas no seu sitio...[Retranca Off].

Vale, pero que quitarán primeiro? As viaxes do INSERSO? non, que os hoteis teñen que manter os seus gastos no inverno con esta clientela segura. Instaura-lo copago nos gastos farmaceuticos? non, porque mais aló do risco de exclusión, farmaindustria sabe ben ó que xoga e quere que lle pague quen nin prescribe nin recibe as medicacións. nos seguros dos mutualistas cando a administración ten o seu seguro público? non, que de onde van saca-las mutuas mercado mais rendido que aquel que acude a elas por prestixio pero que cando ten problemas vai ó sistema público. As subvencions a grupos empresariais de comunicación? non, que como se van difundi-las campañas de publicidade politica (digo, institucional) si non é asi. En carteis de obras inconclusas? non, que a xente non se entera do que fan 'polo noso ben' ainda que sexa reformar un edificio recién feito...

Será algo sibilino e pouco terá que ver cos centos de organismos paralelos das administracions ou coas 4 ou 5 estructuras administrativas cos seus correspondentes cargos 'desingados', prebendas e pensions...ou os cargos que se nomean nas caixas de aforro que son o verdadeiro motivo da preocupación de alguns por onde queda o "centro de decisons"...

Iso si, os funcionarios na picota malia que, como asalariados das administracions, foron os únicos incapaces de defraudar co seu soldo ainda que quixesen, malia a ser os únicos que tiveron menos incremento salarial que a inflación.