A meta-sentenza

OUUUUuuuu... Como si fose unha revisión sistemática ou, aínda mellor, unha metasíntese o poder non democrático do tribunal XXL (non electo pola cidadanía, co mandato caducado, con sesgo politico manifesto...) redactou un collage satisfatorio para todos e para ninguén.

E conqueriu publicalo en datas obtusas nas que a masa anda ó que anda e lle preocupan circus et panes, panes et circus por igual mais non lerias xuridico-políticas. U-los que querían boicotea-lo cava? hai silencios vergoñentos e, dende logo, o silencio destes meses respecto a non boicotea-lo sistema financieiro (non mercar con tarxeta, non pagar comisions, etc.) é bastante triste.

Como na idade media pensamos que a igrexa impuña cousas ós gobernantes cando a realidade era que había un contínuo asalto dos poderosos á igrexa para que se manifestara a prol dos seus intereses... agora sucede o mesmo coa des-información; xa ninguén se cree as noticias dun medio (dunha única fonte) porque non se trata dun asalto dos medios ó poder senon dun asalto do PODER (económico) ós medios; o control da información, do que dí e do que non dí, é fundamental nesta proto-democracia.

Silencios de verán ó refuxio de berros atroulados, ó refuxio das necesidades crecentes de miles de persoas empuxadas a mercar o que malamente podían pagar e agora non teñen con qué, ó refuxio da incredulidade e a desorientación dos que creiamos no estado do benestar e vemos como vai quedar nun estado do 'salvese quen poida'...

Ós refuxios, escomenza o bombardeo.

A sensación "Titanic"

OUUUUuuuu... Os europeos embarcamos no €uro como si fose no Titanic; pensamos que fose o que fose a afrontar non afundiría. Confiabamos nos "compartimentos estancos" dentro do mesmo barco e na 'Coraza' da unidade.

Dí a miña 'conselleira financieira' que "Spain vai ser 'intervida' esta semana"...seica escoitou falar a "Herr Ángela" e se decatou de que 'puxemos á raposa a coidar das ovellas' e que 'Berlusconi é un paiaso (rico, pero paiaso) e esta -´Herr Ángela- unha raposa endiañadamente mala'; eu digo que si hai que establecer mecanismos de vixiancia dos movementos financieiros habería que empezar polos capitais directa e indirectamente vencellados ós líderes políticos; mais que nada para "demostrar" transparencia e tal.

Ó cabo, que a cousa está "moi malita" e que non sei si haberá chalupas para todos e botarse á auga só co chaleco salvavidas é morrer conxelado.

25 anos coas pensions ó fondo...

OUUUUuuuu...onte, entre fastos austeros (algo así como intelixencia militar, pero en crise) 2 de 4 gobernos ibéricos celebraron que fai 25 anos pasaron a formar parte do mercado financieiro de occidente.

Dende aquela o sistema público de pensions constituía un problema para o sistema financieiro...todos eses cartos fora do alcance dos mercados para poder manobrar con eles...unha mágoa, non se podía permitir.

O asunto é claro; un mercado privado de fondos de pensions xera grandes cantidades de cartos que "teñen que rentar" en teoría, pero que na práctica son empregados polos seus depositarios como arietes nos mercados rebentando equilibrios e reinventando demanda inexistente. Que hai unha acción cun PER interesante? pois alí me meto eu, logo fago que o fondo invista nela amodiño...vai subindo e cando xa non atura mais saiome eu e logo xa veremos como sae o fondo. Así con outros "activos financieiros" ergo mercado internet, mercado inmobiliario etc. etc.

Vaites¡¡¡ vanme acusar de comunismo ou de algo peor...por certo, falando de comunismo. Qué tería pasado si a "flota da liberdade" saíse de Florida para tentar 'rescatar' os oprimidos en Cuba e fose recibida de igual xeito polo exercito revolucionario...? canta regla dupla hai no mundo¡¡¡