CRISE

OUUUUuuuu...

Eu, que son ó meu xeito un "pobrecito hablador" non podo deixar de falar do que me dá no caletre.

Por elo quero comentar como o parco instrumento das verbas i a manipulación que delas fan os seus "profesionais" nos deixan pinturas da actualidade que teñen pouco que ver coa realidade.

Chámame a atención como a verba CRISE (esa que seica os chineses din igual que OPORTUNIDADE) se empregou sen reserva alguha á hora de falar da renovación do goberno do estado español; cando, tódolos analistas coincidiron en que a 'parte do león' dese movimento tivo mais de proactivo que de catartico. Explíqueime xa nunha entrada anterior (que non enlazo por aquelo dos 'egopoints' así que: ¡¡percurade!!) e mánteñome nelo coa salvedade da substitución da ministra de educación e ciencia que, se cadra, tivo mais de recoñecimento de erro no canto a 'altura política' que outra cousa.Ó cabo, non vin nin vexo crise naquel movimento como en moitos outros (incluso alguns dos que fixo Fraguenstein) senon mais ben un preparar para algo.

Moi o contrario que o que está a acontecer no goberno da empresa USA (ese que ten sede en W.D.C.) e que vai peneirando demisions 'anunciadas' e surpresivas dende hai meses. Non vou pescudar nas hemerotecas nin nos blogs de comentários políticos do "imperio grande" mais non teño dúbida: HAI CRISE e ben grande. ¿Terá que ver co inminente ataque ó Iran?, ¿seran froito do enfrontamento segredo entre os que ainda creen no 'goberno do pobo' e os axentes (Rumsfield) do 'goberno das empresas'?. Seña como seña, a cousa non vai parar ahí e tod@s nos e os nosos xeitos de vida presentes e futuros estamos polo medio.

E, xa que estou a falar de crise vou a reseñar unha nova que chuzou un compañeiro e que engade outro nome a unha lista noxenta pois a compoñen persoeiros que 'abandoan' "La Voz"... ¿Por? coido que se trabucan os editores deste e doutros periódicos pois os pensadores libres teñen, polo de agora, toda a rede para faceren chegar a súa luz a quen a precise. O problema é que só os atopará quen os busque.
Publicar un comentario